Buscamos cen voluntarios para acción escénica

Gústache o teatro? Sempre pensaches en subir a un escenario? Queres vivir novas experiencias? A Cidade da Cultura de Galicia lanza unha convocatoria única!

Buscamos cen voluntarios para formar parte dunha acción escénica que xa deu a volta ao mundo. Trátase de Atlas, unha peza dos artistas portugueses Ana Borralho e Joao Galante, que reúne sobre o escenario a 100 persoas de diferentes profesións e identidades culturais.

Que queremos? Persoas de diferentes profesións, idades, orixes e crenzas. Todos teñen cabida neste espectáculo, que non é unha obra de teatro ó uso, se non unha performance, un traballo en grupo, non remunerado, no que non é preciso saber idiomas nen ter experiencia en teatro, danza ou artes escénicas.

Que pedimos? Só ganas de participar e compromiso de asistencia, con dispoñibilidade horaria na data da representación e nos ensaios (consultar días e horarios na área de descargas). Nas catro primeiras sesións de ensaio as 100 persoas dividiranse en dous grupos a escoller segundo a súa dispoñibilidade cada día. De ocorrer que alguén tivese problemas para a asistencia nun día concreto, cada caso valoraríase individualmente.

Para apuntarse, só tedes que cubrir a ficha de participación presente na área de Descargas cos datos solicitados e as preferencias horarias e enviala a atlas@cidadedacultura.org.

 
Música & Escena
Santiago de Compostela, 13 de Xaneiro de 2015