Fogos do Apóstolo 2020 no Gaiás

Os exteriores da Cidade da Cultura e o Bosque de Galicia permanecerán abertos esta noite ata as dúas da madrugada para poder contemplar os Fogos do Apóstolo, que nesta ocasión se lanzarán desde oito localizacións diferentes de Santiago, entre elas o monte Gaiás.

A praza central, as faldras do Bosque de Galicia ou outros puntos do complexo, como o Parque da Balea, ofrecen unha boa visibilidade do ceo de Compostela, permitindo gozar do espectáculo respectando a distancia social. 

Lembramos a obrigatoriedade do uso da máscara, a necesidade de cumprir coas medidas sanitarias de prevención e de respectar as zonas acotadas por motivos de seguridade. 

Agradecemos a responsabilidade de todos os/as asistentes e desexámosvos moi boas festas!

Santiago de Compostela, 24 de Xullo de 2020