A Cidade da Cultura ábrelles as portas a todas e todos os cidadáns que a desexen coñecer. As persoas visitantes poderán acceder libremente[*] aos espazos e percorrer os exteriores da Cidade da Cultura: desde as Torres Hejduk ata a praza central e os seus emblemáticos edificios. Ademais, o Gaiás dispón de programas de visitas guiadas para coñecer máis de preto este proxecto arquitectónico.

[*]A Consellería de Sanidade elixiu a Cidade da Cultura como un dos punto de vacinación da covid-19 en certos días puntuais [23, 27 e 28 de abril]. Nesas datas o acceso a través das entradas e aparcamentos 1 e 2 está limitado só para as persoas que veñan vacinarse. Polo tanto, as persoas usuarias da Biblioteca de Galicia ou das súas actividades deberán ter en conta que, nesas ocasións, só poden acceder a través das entradas e aparcamentos 4 e 5. Sentimos as molestias

Apertura ao público do recinto

Horario xeral

De luns a domingo | 8:00 - 22:00 | Permítese o acceso en vehículo privado.

Punto de Información e Atención ao Público

Museo Centro Gaiás, mostrador de entrada 
Luns a domingo | 10:00 - 20:00 h
Contacto: 881 995 172 / o.informacion@cidadedacultura.

Museo Centro Gaiás

Luns a domingo | 10:00 - 20:00
AVISO: As exposicións pechan todos os luns 

Biblioteca e Arquivo de Galicia

Sala de lectura: luns a domingo, de 09:00 a 21:00 h
Consulta de usuarios e investigadores: luns a venres, de 09:00 a 15:00 h
Visita ás exposicións organizadas polo Arquivo e Biblioteca de Galicia: luns a domingo, de 09:00 a 21:00 horas.

Observación importante que che afecta como usuario/a da Biblioteca e Arquivo de Galicia! A Consellería de Sanidade elixiu a Cidade da Cultura como punto de vacinación da covid-19 en certos días puntuais. Nesas datas o acceso a través das entradas e aparcamentos 1 e 2 está limitado só para as persoas que veñan vacinarse. Polo tanto, nesas ocasións, só se pode achegar á Biblioteca de Galicia polas entradas e aparcamentos 4 e 5. Sentimos as molestias.

Medidas especiais pola situación sanitaria

➖  Apertura ao público das instalacións do Museo Centro Gaiás, e das exposicións que acolle –Faraón. Rei de Exipto, Os brancos segredos do seu ventre e As miradas de Isaac– no horario habitual –de 10 a 20h–, e a un 50% da súa capacidade.

➖ As Torres Hejduk, que neste intre acollen a intervención O perpetuo tránsito cara ao presente, están tamén abertas ao público a un 50% da súa capacidade.

➖ Apertura ao público das instalacións da Biblioteca de Galicia, co horario e servizos habituais. A capacidade estará limitada á metade da habitual, o que na sala de lectura supón que estarán habilitados 45 postos.

➖ Retómanse tamén as actividades presenciais nos distintos espazos do complexo da Cidade da Cultura. O número de prazas de cada actividade estará limitado en cada momento de acordo coas medidas sanitarias.

➖ Os espazos naturais e de lecer da Cidade da Cultura están abertos ata a hora do toque de queda, establecido actualmente nas 22 horas.

Ante posibles modificacións dos servizos do complexo da Cidade da Cultura, pregamos consultar webs e contas de redes sociais non só da Cidade da Cultura, senón tamén das institucións, empresas e colectivos localizados no Gaiás non dependentes da Fundación Cidade da Cultura de Galicia.

Lembrando que estas decisións están dirixidas a minimizar o impacto do coronavirus, agradecemos a compresión e a colaboración e convidamos a explorar todos os contidos da Cidade da Cultura dispoñibles en liña.

(*)Estes anuncios poderán verse modificados en función do desenvolvemento das restricións no DOG.