O conselleiro de Cultura, Educación e Ordenación Universitaria inaugurou esta tarde no Museo Centro Gaiás a exposición Camilo José Cela 1916-2016. O centenario dun Nobel. Un libro e toda a soidade, a mostra máis ambiciosa realizada ata o momento sobre Cela e un dos actos centrais do programa preparado para conmemorar os cen anos do seu nacemento en Iria Flavia (Padrón).
A Consellería de Cultura, Educación e Ordenación Universitaria celebrará os 150 anos do nacemento de Valle-Inclán nunha última sesión de Nexos, o ciclo de cultura contemporánea da Cidade da Cultura, que terá lugar o vindeiro 17 de decembro na Biblioteca e Arquivo de Galicia.
A Cidade da Cultura recibíu esta tarde unha visita dun grupo de profesionais de grupos de comunicación, produtoras e empresas do mundo do cine e da televisión interesados en coñecer os diferentes espazos arquitectónicos do Gaiás para valoralos como localizacións de futuras producións audiovisuais.
A Biblioteca e o Arquivo de Galicia acaban de incorporar ao seu patrimonio documental e bibliográfico os fondos históricos doados por Manuel Banet López de Rego e por Alena Dobrkovska Kubickova. Trátase de dous mapas do século de XVII, do Reino de Galicia e mais de Bohemia, xunto cun singular exemplar da ‘Biblia’ do século XVI, escrito en castelán, e mais o incunable El libro de las propiedades de las cosas, datado do ano 1494.
O xurado do programa ‘Connecting for Good Galicia’ vén de seleccionar seis proxectos emprendedores de innovación social para formar parte da primeira edición do programa impulsado pola Fundación Vodafone España en colaboración con Vodafone e a Xunta de Galicia, a través da Axencia para a Modernización Tecnolóxica (Amtega) e a Consellería de Economía, Empleo e Industria, a través da Axencia Galega de Innovación (GAIN) e o Instituto Galego de Promoción Económica (IGAPE).
Páxinas
- « primeira
- ‹ anterior
- …
- 194
- 195
- 196
- 197
- 198
- 199
- 200
- 201
- 202
- …
- seguinte ›
- última »