A Cidade da Cultura pon en marcha o VI Encontro de Artistas Novos, no que un total de corenta creadores emerxentes terán a oportunidade de dar a coñecer os seus traballos e debater ao redor da arte contemporánea ao longo de catro días de convivencia e intercambio de experiencias con outros axentes culturais.
Con motivo do encontro de emprendedores Galiemprende, unha ducia de centros educativos de toda Galicia (entre Centros Integrados de Formación Profesional e IES) expoñen hoxe os seus proxectos empresariais desenvolvidos ao abeiro da Rede de Viveiros de Empresa impulsados pola Consellería de Cultura e Educación en colaboración cos propios centros e co empresariado.
As Torres Hejduk da Cidade da Cultura iluminaranse esta noite de azul con motivo da celebración do Día Mundial de Concienciación sobre o Autismo baixo o lema Inclusión, tolerancia e respecto.
Tal e como ven sendo habitual nos últimos anos, a Cidade da Cultura súmase así ao movemento Light it up Blue, que tingue de azul monumentos emblemáticos de varias cidades para visibilizar este trastorno e amosarlle o seu apoio ás persoas con autismo e as súas familias.
A Cidade da Cultura recibiu 2.090.479 visitas desde a súa apertura ao público en 2011. O número de visitantes ao Gaiás non deixou de medrar neste período de cinco anos. De feito, o ano pasado acadouse a cifra récord de 479.418 visitas, o que supón un 45% máis que no 2011, cando foi inaugurada polos entón Príncipes de Asturias e hoxe Reis de España.
A Cidade da Cultura convoca a oitenta cidadáns a participar nun proxecto de creación artística que terá lugar no marco da exposición Con-fío en Galicia e que se organizará en forma de obradoiros dirixidos por catro artistas contemporáneas: Chelo Matesanz, Melania Freire, Lula Goce e Carolina Cruz Guimarey, coordinados por Neves Seara e Andrea Barreira.
Páxinas
- « primeira
- ‹ anterior
- …
- 216
- 217
- 218
- 219
- 220
- 221
- 222
- 223
- 224
- …
- seguinte ›
- última »