A Cidade da Cultura organizará na Biblioteca e Arquivo de Galicia a exposición Rostros do país, un traballo do fotógrafo Xurxo Lobato que presentará un ‘retrato colectivo’ de Galicia a través de 70 fotografías de gran formato especialmente realizadas para este proxecto. Na escolma aparecerán persoeiros recoñecidos e cidadáns anónimos que representan eidos clave de Galicia.
Sonia Navarro Peralta vestirá de arte e moda as Torres Hejduk do Gaiás a través dunha nova intervención artística neste espazo arquitectónico do Gaiás. Do 2 de xuño ao 21 de agosto, esta creadora servirase da tradición téxtil galega para reivindicar o papel central da muller na estrutura familiar e social.
A Cidade da Cultura celebrará o Día das Letras Galegas cunha homenaxe cidadá a Manuel María a través dun espectáculo multimedia que inclúe lectura de poemas, música en directo, vídeo-creacións e ata un obradoiro de rap.
A Cidade da Cultura pon en marcha o VI Encontro de Artistas Novos, no que un total de corenta creadores emerxentes terán a oportunidade de dar a coñecer os seus traballos e debater ao redor da arte contemporánea ao longo de catro días de convivencia e intercambio de experiencias con outros axentes culturais.
Con motivo do encontro de emprendedores Galiemprende, unha ducia de centros educativos de toda Galicia (entre Centros Integrados de Formación Profesional e IES) expoñen hoxe os seus proxectos empresariais desenvolvidos ao abeiro da Rede de Viveiros de Empresa impulsados pola Consellería de Cultura e Educación en colaboración cos propios centros e co empresariado.
Páxinas
- « primeira
- ‹ anterior
- …
- 212
- 213
- 214
- 215
- 216
- 217
- 218
- 219
- 220
- …
- seguinte ›
- última »