A Cidade da Cultura anunciou esta mañá a segunda edición de Escenas do Cambio. Festival de Inverno de Teatro, Danza e Arte en Acción que se celebrará no Gaiás do 28 de xaneiro ao 13 de febreiro e que traerá 18 compañías de 10 países, cunha presenza destacada de novos creadores galegos e unha ollada a África e América Latina.
A Fundación Cidade da Cultura de Galicia iniciará nos próximos días as obras do Xardín Literario, o proxecto deseñado pola arquitecta galega Isabel Aguirre de Úrcola que transformará nun espazo verde dedicado ás letras galegas e ao goce da natureza un dos baleiros dos edificios non construídos do Gaiás.
A Cidade da Cultura convida a vivir un Nadal diferente no alto do Gaiás coa programación especial que ten preparada do 19 de decembro ao 2 de xaneiro para gozar en familia.
A Cidade da Cultura convida aos máis pequenos a subir ao Gaiás durante as fins de semana e converterse en grandes artistas. Será grazas ao programa lúdico Findes na balea, actividades creativas e de balde coa que os nenos poderán experimentar ao redor da fotografía mentres que os maiores terán a oportunidade de achegarse á nova mostra da Cidade da Cultura: José Suárez.
A Consellería de Cultura, Educación e Ordenación Universitaria convida a descubrir a figura do fotógrafo galego José Suárez a través da nova exposición da Cidade da Cultura, que abriu hoxe as súas portas no Museo Centro Gaiás. José Suárez. Uns ollos vivos que pensan preséntase como a maior exposición realizada ata o momento sobre o fotógrafo de Allariz, considerado un dos grandes nomes da fotografía do século XX.
Páxinas
- « primeira
- ‹ anterior
- …
- 213
- 214
- 215
- 216
- 217
- 218
- 219
- 220
- 221
- …
- seguinte ›
- última »