O conselleiro de Cultura, Educación e Ordenación Universitaria, Román Rodríguez, celebrou esta tarde, na apertura de portas da exposición ‘José Suárez. Uns ollos vivos que pensan’ na sede do Instituto Cervantes, o regreso da obra do xenial fotógrafo de Allariz a Madrid, setenta anos despois da súa exposición no Círculo de Bellas Artes.
A Fundación Cidade da Cultura de Galicia convoca a cuarta edición dos premios Emprende Gaiás-Sixto Seco, concurso de ideas e proxectos innovadores co que dar apoio aos emprendedores e dinamizar as industrias culturais de Galicia, que nesta edición conta co patrocinio de Abanca e Afundación e a colaboración do Igape.
A directora xerente da Fundación Cidade da Cultura de Galicia, Beatriz González Loroño, e o vicepresidente da Fundación Paideia, Guillermo Vergara Muñoz, asinaron esta mañá un convenio de colaboración para que o Centro de Emprendemento do Gaiás e o Centro de Iniciativas Empresariais ‘Mans’, que xestiona dous espazos de coworking en Padrón e A Coruña, desenvolvan actividades de xeito conxunto, así como para que os emprendedores instalados en ambos os dous espazos poidan empregar os servizos destes centros.
A Cidade da Cultura de Galicia convida aos escolares galegos a celebrar os vindeiros 6 e 7 de xuño o Día do Medio Ambiente cuns obradoiros patrocinados por Viaqua nos que descubrir a importancia da fauna e contribuír á súa protección no Bosque de Galicia.
A Cidade da Cultura de Galicia convida a todos os cidadáns a descubrir a través de roteiros guiados gratuítos o Bosque de Galicia, a nova área verde de Compostela no monte Gaiás, así como o Parque da Balea e o Xardín Literario, espazos de lecer nos exteriores do Gaiás.
Páxinas
- « primeira
- ‹ anterior
- …
- 214
- 215
- 216
- 217
- 218
- 219
- 220
- 221
- 222
- …
- seguinte ›
- última »