O secretario xeral de Cultura da Xunta, Anxo Lorenzo, apoiou na cidade arxentina de Córdoba o primeiro Encontro de Artistas Novos ‘Cidade da Cultura de Galicia’ que se celebra no país americano. Co obxectivo de reforzar os lazos culturais con Galicia, o Ministerio de Cultura da República de Arxentina, en colaboración coa Consellería de Cultura e Educación da Xunta e co apoio da Municipalidade de Córdoba, importou este modelo de xuntanza de creadores emerxentes que ten lugar no Gaiás cada mes de setembro desde 2011.