A Cidade da Cultura recupera este ano o seu tradicional Baile de Entroido —que interrompera a súa celebración tras a pandemia— e convida ao público a unha divertida tarde de festa familiar na que a música de Paco Cerdeira Pakolas, e un gran baile de disfraces de temática relacionada coas viaxes no tempo serán os grandes protagonistas.

A Xunta de Galicia e o Instituto Cervantes inauguran hoxe en París, coa colaboración da Embaixada de España en Francia, a exposición Foi un home. Laxeiro en América (Buenos Aires, 1950-1970), en homenaxe a un dos pintores galegos máis relevantes do século XX e figura destacada da vangarda pictórica española. O conselleiro de Cultura, Educación, FP e Universidades, Román Rodríguez, á fronte da delegación galega, indicou que a mostra chega á capital francesa co obxectivo de reivindicar a nivel internacional o legado do artista.