A Consellería de Cultura, Lingua e Xuventude sumouse á celebración do 60 aniversario do nacemento do graffiti contemporáneo con Cornbread, figura fundamental nas orixes desta arte urbana, que impartiu esta tarde unha conferencia no Gaiás. O artista estadounidense estivo acompañado pola directora xerente da Fundación Cidade da Cultura, Ana Isabel Vázquez, así como pola pioneira grafiteira galega Seor (Beatriz López), e os comisarios e investigadores no eido do graffiti moderno, Amabel González Troncoso e Balu.

A Consellería de Cultura, Lingua e Xuventude promove dúas novas creacións escénicas dentro de Clásicas desfeitas, o ciclo de co-producións iniciativa do Centro Dramático Galego coa Cidade da Cultura. Nesta ocasión, as obras revisan a figura histórica e literaria de Ricardo III e o mito de Medea, para propoñer dous retratos máis humanos de ambos personaxes empregando linguaxes e ferramentas do teatro contemporáneo, que terán a súa estrea este mes de febreiro no Gaiás.