A Cidade da Cultura dálle a benvida ao outono coa celebración dunha xornada para gozar en familia. Será o 24 de setembro cando nenos e maiores exploren o Bosque de Galicia para despois bailar ao son dos ukeleles da Ukestra do Medio nun Safari de outono que terá entrada libre e de balde.
O secretario xeral de Cultura, Anxo Lorenzo, presentou esta mañá na Cidade da Cultura Homo Ludens, a intervención artística que Miguel Ángel Benjumea e Román Corbato realizaron no interior das Torres Hejduk. Este traballo resultou gañador no 2015 na convocatoria que realiza cada ano o Encontro de Artistas Novos (EAN), coa que convida os participantes a presentar un proxecto artístico nas Hejduk.
A Cidade da Cultura colaborará co WOS Festival na organización dun encontro ao redor do emprendemento e a innovación cultural. O WOS Festival preséntase como un evento de cultura urbana e vangardista que se celebra en espazos emblemáticos de Santiago de Compostela do 7 ao 10 de setembro, e que ten a programación musical como eixe da súa oferta, complementada con espectáculos de artes escénicas, exposicións e espazos abertos ao debate.
A Consellería de Cultura, Educación e Ordenación Universitaria promove desde hoxe ata o xoves no Gaiás o intercambio de ideas entre creadoras e creadores emerxentes na sexta edición do ‘Encontro de Artistas Novos Cidade da Cultura de Galicia’, no que un total de corenta participantes terán a oportunidade de dar a coñecer os seus traballos e debater ao redor da arte contemporánea.
A Cidade da Cultura despide esta semana a sexta edición do Atardecer no Gaiás e farao ao ritmo de tres bandas galegas e unha homenaxe a David Bowie. Con estas tres últimas citas, o Gaiás ponlle punto e final a 22 sesións de música e cine ao aire libre coas que animou as tardiñas deste verán.
Páxinas
- « primeira
- ‹ anterior
- …
- 164
- 165
- 166
- 167
- 168
- 169
- 170
- 171
- 172
- …
- seguinte ›
- última »