Sala de prensa

 
Santiago, 27 de Outubro de 2016
Womex'16

A celebración de Womex a pasada semana en Santiago de Compostela confirmou a calidade técnica e o talento artístico do sector musical galego diante dos 2.400 profesionais chegados desde 95 países para participar durante cinco días no meirande mercado internacional da ‘world music’.

Santiago, 25 de Outubro de 2016
A través dun horizonte sen corpo

A Consellería de Cultura, Educación e Ordenación Universitaria anuncia que o proxecto A través dun horizonte sen corpo de Fredy Solano vén de ser elixido como gañador da IV Convocatoria de Intervencións Artísticas nas Torres Hejduk, certame organizado pola Fundación Cidade da Cultura de Galicia e aberto a todos os participantes no VI Encontro de Artistas Novos. O artista, de orixe salvadoreño pero residente actualmente en Vigo, plasmará no Gaiás o seu concepto da arte como ocupación e intervención do espazo público.

Santiago, 20 de Outubro de 2016
Womex'16

O presidente da Xunta en funcións, Alberto Núñez Feijóo, referiuse á Feira Womex como unha nova oportunidade para amosarnos ao exterior e deixar que Europa e o mundo se amosen en Galicia, que desde este mércores e ata o domingo 23 de outubro se converterá na capital da música internacional.

Santiago, 19 de Outubro de 2016
José Suárez. Unos ojos vivos que piensan

A Consellería de Cultura, Educación e Ordenación Universitaria, a través da Fundación Cidade da Cultura, inaugurou onte en Arxentina a mostra José Suárez. Unos ojos vivos que piensan, a maior exposición realizada ata o momento sobre este fotógrafo de Allariz, considerado un dos grandes nomes da fotografía do século XX.

Santiago, 17 de Outubro de 2016
Caxade en concerto

A Consellería de Cultura, Educación e Ordenación Universitaria convida a gozar dun novo Magosto no Gaiás o vindeiro 19 de novembro, con degustación de castañas da Indicación Xeográfica Protexida Castaña de Galicia e a música de Caxade.

Páxinas