A Fundación Cidade da Cultura botou a andar esta tarde na Biblioteca e Arquivo de Galicia o segundo Obradoiro de Novela Cidade da Cultura coa primeira clase a cargo do director do mesmo, o xornalista e escritor Javier Peña. Unha primeira quenda á que lle seguirán -todos os venres ata o 22 de maio- as clases teóricas de sete autores de éxito e de dous profesionais do mundo editorial co obxecto de brindarlles a súa experiencia, á vez que lles sirva de ponte cara ao profesionalismo para aqueles cun desempeño sobresaínte.
O director xeral de Políticas Culturais, Anxo M. Lorenzo, e a directora xeral de Avaliación e Reforma Administrativa e secretaria xeral da Igualdade por delegación, Natalia Prieto, asistiron á inauguración da mostra Mulleres sobranceiras. A educación da muller. Homenaxe a Concepción Arenal, con motivo do Día Internacional das Mulleres.
A Xunta de Galicia colabora co Festival Atlántica cunha sesión de contacontos na Cidade da Cultura o 20 de marzo, co gallo do Día Internacional da Narración Oral.
A Xunta de Galicia pon en valor o labor das redeiras cunha exposición fotográfica aberta ao público desde hoxe na Cidade da Cultura e que forma parte da programación do Gaiás vencellada ao Día Internacional da Muller, que se conmemora o 8 de marzo.
O Baile de Entroido do Gaiás esgotou todas as entradas e medio milleiro de persoas están a gozar esta tarde na Cidade da Cultura do Baile de Entroido de temática animal, amenizado coa música da picadiscos infantil Marifaltri e co coñecido espectáculo-musical A nena e o grilo, de Magín Blanco e A Banda da Apertas.
Este Entroido Animal transformou o Museo Centro Gaiás nun auténtico zoolóxico con cefalópodos, mamíferos ou anfibios, xa que a temática de disfraces de abano animal é ampla para acadar unha divertida tarde de festa familiar.
Páxinas
- « primeira
- ‹ anterior
- …
- 109
- 110
- 111
- 112
- 113
- 114
- 115
- 116
- 117
- …
- seguinte ›
- última »