A Cidade da Cultura de Galicia convida este ano a gozar non dun, senón de dous Magostos no Gaiás, os vindeiros 11 e 18 de novembro, coa música de Susana Seivane e Luís Emilio Batallán, respectivamente, grazas á colaboración da AGADIC; e cunha protagonista que nunca pode faltar, a castaña. Desta vez, degustarase dun xeito orixinal, en diferentes petiscos que a levarán como ingrediente principal coa colaboración da Indicación Xeográfica Protexida Castaña de Galicia.
A Consellería de Cultura, Educación e Ordenación Universitaria homenaxea o músico galego Germán Lago co gallo do 50 aniversario do seu pasamento coa celebración, o 4 de novembro, na Biblioteca e Arquivo de Galicia na Cidade da Cultura, dun relatorio-concerto a cargo do guitarrista e investigador Samuel Diz e do recoñecido Cuarteto Aguilar.
Esta homenaxe servirá para que as persoas asistentes se acheguen aos principais fitos biográficos de Germán Lago nun relatorio do guitarrista e investigador galego Samuel Diz seguido dun concerto do Cuarteto Aguilar.
A Cidade da Cultura de Galicia exhibe no Instituto Cervantes de Nova Delhi a exposición ‘José Suárez. Uns ollos vivos que pensan’, mostra sobre a obra dun dos referentes da historia da fotografía en Galicia e España na primeira metade do século XX. Tras o seu paso por Madrid, Bos Aires, Montevideo, París e O Xapón, un dos países que máis marcaron a traxectoria profesional e vital de José Suárez, a mostra chega á capital da India.
A Cidade da Cultura de Galicia vén de asinar un convenio de colaboración coa Asociación de Jóvenes Empresarios de Galicia para impulsar o emprendemento no Gaiás. En virtude deste acordo, o Centro de Emprendemento Creativo cederalle de balde un espazo para que AJE Galicia localice no CEM a súa delegación en Santiago de Compostela.
A Cidade da Cultura de Galicia vén de asinar un convenio de colaboración coa Asociación de Jóvenes Empresarios (AJE) da provincia de Pontevedra para impulsar o emprendemento no Gaiás. En virtude deste acordo, o Centro de Emprendento do Gaiás cederalle de balde dous espazos aos gañadores dos premios que convoca anualmente: Joven Empresario y Joven Emprendedor del Año, á vez que se integrarán no seu programa de formación.
Páxinas
- « primeira
- ‹ anterior
- …
- 174
- 175
- 176
- 177
- 178
- 179
- 180
- 181
- 182
- …
- seguinte ›
- última »