Preto de 15.000 persoas achegáronse á Cidade da Cultura de Galicia para coñecer a obra de Baldomero Pestana, un dos grandes retratistas e fotógrafos sociais da segunda metade do século XX. A exposición Baldomero Pestana, a verdade entre as mans, coa que se reivindica o legado do fotógrafo galego (Castroverde, Lugo 1917-2015) pecha as súas portas o domingo día 2 de setembro no Museo Centro Gaiás.
As Torres Hejduk convértense desde hoxe e ata o 25 de novembro nun arquivo sonoro para rescatar a arquitectura galega desaparecida ou transformada, lonxe dos grandes relatos arquitectónicos presentes na contorna. Isto é posible grazas á intervención AAMA (Arquivo Aberto da Memoria Arquitectónica), de Francisco Ramallo (Granada, 1974), inaugurada hoxe como clausura do Encontro de Artistas Novos 2018.
Cidade Imaxinaria Verán 2018 converteu o complexo arquitectónico do Gaias nun mundo de fantasía con dragóns xigantes corricando e xogando coa cativada por todos os recunchos, e números acrobáticos que cativaron os centos de familias que asistiron esta tarde á Cidade da Cultura de Galicia para gozar de espectáculos, obradoiros e xogos, de balde e ao aire libre.
O conselleiro de Cultura, Educación e Ordenación Universitaria, Román Rodríguez; e a directora de Acción Cultural da Fundación Cidade da Cultura de Galicia, María Pereira, participaron esta mañá na plantación de parte dos bidueiros exhibidos na intervención artística Betula Pendula, que se puido visitar nas Torres Hedjuk entre o 21 de mazo e o 19 de agosto.
Páxinas
- « primeira
- ‹ anterior
- …
- 153
- 154
- 155
- 156
- 157
- 158
- 159
- 160
- 161
- …
- seguinte ›
- última »