A cidade de Santiago de Compostela foi escollida por Loterías y Apuestas del Estado para celebrar o seu sorteo de hoxe, nun acto que tivo lugar na Cidade da Cultura e que rendeu especial homenaxe ao Xacobeo 2021.
O boleto editado e distribuído en toda España permite promover o Ano Santo e o Camiño de Santiago a través dunha imaxe tomada desde o Monte do Gozo coa escultura do monumento ao peregrino. Durante o sorteo estivo presente a directora de Turismo de Galicia, Nava Castro, xunto ao presidente da Sociedade Estatal de Loterías y Apuestas del Estado, Jesús Huerta Almendro.
O presidente do Goberno galego, Alberto Núñez Feijóo, chamou hoxe á implicación do conxunto da sociedade para que o Xacobeo 2021 faga crecer o Produto Interior Bruto de Galicia un 0,9% e cree 11.500 empregos a tempo completo nos próximos catro anos, desde hoxe ata 2022, o último exercicio que se verá influenciado directamente polo Ano Santo.
A Cidade da Cultura deu a coñecer hoxe os nomes dos 40 creadores e creadoras emerxentes que foron seleccionados para participar no seu IX Encontro de Artistas Novos #EAN9. Nesta residencia artística no Gaiás –que terá lugar entre o 25 e o 29 de agosto– poderán dar a coñecer o seu proxecto creativo, así como intercambiar experiencias profesionais con outros artistas emerxentes e consolidados, comisarios ou prensa especializada.
Atardecer no Gaiás, o ciclo de concertos do verán da Xunta de Galicia na Cidade da Cultura, comezará esta semana o mércores, día 17, coa forza dos ritmos e das letras de Miss Bolivia, alcume artístico de Paz Ferreyra.
A Cidade da Cultura de Galicia acolleu hoxe a IV edición do Festival de Bandas Infantís e Xuvenís de Galicia, no que preto de 600 músicos novos, de 13 formacións, interpretaron os repertorios elixidos para a ocasión. O certame incluíu un concerto da Banda Sinfónica Xuvenil Galega, formada por medio cento de intérpretes pertencentes a diferentes bandas e conservatorios da comunidade e dirixida por Xabier Oliveira Blanco –director da banda A Lira de Ribadavia–.
Páxinas
- « primeira
- ‹ anterior
- …
- 128
- 129
- 130
- 131
- 132
- 133
- 134
- 135
- 136
- …
- seguinte ›
- última »