O director xeral de Cultura, Anxo M. Lorenzo, inaugurou hoxe na Cidade da Cultura a instalación artística Phygital land, traducións do físico ao virtual, unha proposta da creadora granadina Irene Molina que foi seleccionada como gañadora entre os proxectos presentados na pasada edición do ‘Encontro de Artistas Novos’. Trátase dun traballo que combina a dimensión física coa dixital para xerar esculturas en 3D e proxeccións animadas que evocan a idea dunha paisaxe post-apocalíptica onde a natureza foi substituída por unha imperfecta versión dixital, xerada polas propias máquinas.
O conselleiro de Cultura, Lingua e Xuventude, José López Campos, recibiu hoxe na Cidade da Cultura aos 40 creadores e creadoras que ata o xoves 28 de agosto participan no XV Encontro de Artistas Novos EAN15, consolidado foro da arte contemporánea onde presentarán os seus traballos e terán a oportunidade de intercambiar coñecementos e experiencias con outras figuras emerxentes e tamén consolidadas.
Este venres 21 de agosto despídese a décimo quinta edición de Atardecer no Gaiás cunha dobre actuación protagonizada por Futurachicapop e o DJ Kike Varela. O ciclo de concertos gratuítos ao aire libre promovido pola Xunta de Galicia programou un total de 11 concertos este verán na Cidade da Cultura, con propostas musicais diversas de 16 artistas e grupos chegados de Galicia, Portugal, Chile, Málaga, Madrid e Berlín.
A Xunta de Galicia apoia un ano máis a formación dos músicos integrantes da Banda Sinfónica Galega e da Banda Sinfónica Xuvenil Galega cunha residencia artística na Cidade da Cultura. O encontro, no que participan 72 músicos, comeza hoxe 18 de agosto e culminará o vindeiro venres, día 22, cun concerto no Gaiás, que se desenvolverá a partir das 19,30 horas, con entrada libre e de balde.
A Xunta de Galicia anima as familias a participar no Gaiás, o vindeiro 6 de setembro, no tradicional festival Cidade Imaxinaria, unha das citas clásicas da época de estío que forma parte da campaña Para gustos, cultura da Consellería de Cultura, Lingua e Xuventude e que supón xa a recta final da programación do verán.
Páxinas
- « primeira
- ‹ anterior
- …
- 5
- 6
- 7
- 8
- 9
- 10
- 11
- 12
- 13
- …
- seguinte ›
- última »