Sala de prensa

 
Santiago, 04 de Xuño de 2025
A Xunta impulsa no Gaiás e no Salón Teatro dúas residencias artísticas ao redor da identidade de xénero e dun novo folclore para o século XXI

A Xunta de Galicia impulsa durante este mes de xuño na Cidade da Cultura e no Salón Teatro do Centro Dramático Galego os proxectos dos artistas Euyín Eugene e Isabel do Diego, seleccionados na convocatoria 2025 das Residencias Paraíso, programa de apoio ás artes vivas promovido polo colectivo RPM co apoio da Consellería de Cultura, Lingua e Xuventude. 

Santiago, 03 de Xuño de 2025
«Castelao. Mirar por Galicia»: unha mostra inmersiva cunha recreación hiperrealista de Castelao e a súa voz grazas á intelixencia artificial

O conselleiro de Cultura, Lingua e Xuventude, José López Campos, avanzou hoxe no Museo Centro Gaiás as liñas de traballo da exposición inmersiva Castelao. Mirar por Galicia. Realizada coa colaboración da Fundación Castelao, a mostra representa a experiencia tecnolóxico-cultural máis avanzada ata o momento ao redor de Alfonso Daniel Rodríguez Castelao, un percorrido para atravesar o devir persoal, literario, artístico e político dunha das figuras máis senlleiras de Galicia. 

Santiago, 30 de Maio de 2025
A Xunta inaugurará o 9 de xuño unha exposición sobre a pegada viquinga na nosa cultura no Museo do Mar de Galicia

A Xunta afondará na análise e mais na difusión da pegada dos pobos nórdicos na nosa cultura a través de Viquingos. Unha ollada desde Galicia, exposición que se inaugurará o luns 9 de xuño no Museo do Mar de Galicia. A exposición, que poderá visitarse en Vigo dende o martes 10 de xuño ata o 28 de setembro no horario habitual do centro, reúne un corpus expositivo conformado por pezas procedentes de museos de Galicia, Andalucía e Suecia.

Santiago, 16 de Maio de 2025
A Xunta homenaxea ás mulleres que mantiveron viva a poesía oral na mostra ‘Tesoureiras do noso’ con motivo das Letras Galegas

O director xeral de Cultura, Anxo M. Lorenzo, inaugurou hoxe na Biblioteca de Galicia Tesoureiras do noso, a mostra que, con motivo do Día das Letras Galegas, homenaxea a todas as mulleres que mantiveron viva a poesía oral tradicional. 

Santiago, 13 de Maio de 2025
O Serán'04 reunirá en xuño no Gaiás un milleiro de intérpretes de música e baile tradicional

O conselleiro de Cultura, Lingua e Xuventude, José López Campos, avanzou esta mañá o programa da IV edición do Serán, Encontro Galego de Cultura Popular, un evento protagonizado pola nosa música e baile tradicional que regresa ao Gaiás no marco da programación das Letras Galegas. Entre o 20 e o 22 de xuño, o Serán’04 reunirá na Cidade da Cultura ata un milleiro de artistas e intérpretes e 40 agrupacións de baile, canto e pandeireta.

Páxinas