Paisaxe e Patrimonio

O Arquivo de Galicia pon en valor a paisaxe e o territorio entendidos como un patrimonio cultural a través da mostra Paisaxe e patrimonio: unha visión do territorio a través do Arquivo de Galicia, formada por cen documentos que ofrecen un relato ao redor das diversas paisaxes -Natural, Humanizada e Protexida- na nosa comunidade.

A exposición pretende difundir o interese dos documentos que custodia o Arquivo de Galicia, como fonte de información para os estudos sobre a evolución da paisaxe, e pon o acento en que a paisaxe é, como os propios arquivos, un patrimonio a preservar. Posto que, ao igual que a paisaxe contribúe a formación das culturas locais, os arquivos contribúen a salvagarda da memoria individual e colectiva.

O Arquivo de Galicia, cabeceira do sistema autonómico, custodia un gran número de documentos que reflicten as actuacións levadas a cabo sobre o territorio ao longo do tempo. Nesta exposición amósase unha escolma de preto de 100 documentos, tanto de tipo textual como cartográfico e fotográfico, para o goce e reflexión sobre a paisaxe de Galicia de todos os visitantes. Para esta mostra seleccionáronse pezas documentais de distintos fondos que se custodian neste Arquivo: a propia Administración autonómica, fondos da Casa de Banca e Comercio Bengoechea, da Real Sociedade Económica de Amigos do País de Santiago de Compostela e da empresa Fotografía Aérea y Terrestre S.L.

 
Exposicións
 
18 Mar - 5 Set 2021
Aberta de martes a domingo | De 10 a 20 horas
23 marz - 8 ago 2021
Aberta de luns a domingo | De 10 a 20 horas
27 Mar - 15 Ago 2021
De martes a domingo, de 10 a 20 horas
30 Abr - 27 Xuñ 2021
De 10 a 20 horas
14 mai - 30 ago 2021
Aberta de 9 a 21 horas
20 Mai - 11 Xul 2021
De martes a domingo
Do 9 Xuñ ao 20 Out 2021
De 9 a 21 horas
29 Xuñ -29 Ago 2021
14 Xul 2021 - 9 Xan 2022
De luns a domingo | De 10 a 20 h