Colección Cartográfica 'Vilardevós' de Rodolfo Núñez de las Cuevas

A incorporación da biblioteca e colección cartográfica de Rodolfo Núñez de las Cuevas á Biblioteca de Galicia supuxo a incorporación dun inestimable fondo de variada especialización, ligada en termos xerais á cartografía, topografía e ciencias afíns.

A biblioteca era o resultado da súa longa carreira profesional como enxeñeiro xeógrafo e como docente, ámbitos nos que chegou a acadar os rangos máis elevados. Foi catedrático de Representación Cartográfica na Universidade Politécnica de Madrid e director xeral do Instituto Xeográfico Nacional, entidade na que ocupou diversas prazas dende o seu ingreso no ano 1957. Foi vicepresidente da Asociación Cartográfica Internacional e presidente do Comité de Expertos en Cartografía, Estatística e Terminoloxía do Consello de Europa.

A biblioteca comezou a formarse en 1953 e, a grandes trazos, consta dunhas 3.062 monografías e folletos, unhas 206 coleccións de publicacións seriadas, uns 90 atlas e máis de 700 mapas.

Esta exposición recolle unha pequena mostra de tan interesante e importante fondo; está centrada de forma especial na colección cartográfica. Pretende recoller exemplos variados e representativos de distintas épocas, ámbitos, contornos históricos, tipos de cartografía e técnicas utilizadas para a súa elaboración, co fin de dar una visión xeral e, ao mesmo tempo, instrutiva, tanto da colección en por si coma do mundo da cartografía.

 
Exposicións
 
1 Abr - 7 Ago 2022
De luns a domingo | De 10 a 20 h
8 Abr - 28 Ago 2022
De martes a domingo | De 10 a 20 h
5 Mai - 28 Ago 2022
De luns a domingo | De 10 a 20 h
20 Mai - 4 Set 2022
Museo do Mar de Galicia | Vigo
20 Mai - 20 Xul 2022
De martes a domingo | De 11 a 14 h e de 16 a 21 h
1 Xul - 18 Set 2022
ENTRADAS XA Á VENDA
07 Xuñ - 4 Set 2022
De martes a domingo | De 10 a 20 horas
Do 16 Xuñ ao 13 Xul
De 10.00 a 20.00 horas
17 Xuñ - 30 Xul 2022
Luns - Sábados | 12.00-14.00 e 17.00-21.00 h