Pezas e trazos

Pezas e trazos é un claro exemplo de como a creación artística non entende de barreiras de ningún tipo e só de talento. A través desta exposición, onde todas as obras foron realizadas por persoas con discapacidade física e/ou intelectual, preténdese rachar con clixés e superar ideas preconcibidas, moitas delas construídas desde perspectivas erróneas.

As 32 obras que se amosan en Pezas e trazos son unha escolma entre os traballos realizados EnREDarte, un programa de obradoiros de pintura, escritura creativa, danza contemporánea, fotografía artística, música tradicional, teatro e artes plásticas, que desenvolveu a Confederación Galega de Persoas con Discapacidade —COGAMI— a inicios deste ano en centros e asociacións de distintas zonas de Galicia, e no que participaron 244 persoas.

Co apoio da Consellería de Cultura e Turismo, a idea deste proxecto é a de proporcionar experiencias culturais positivas que permitan desenvolver a curiosidade e o sentido estético e crítico, así como achegar a cultura e as súas diferentes disciplinas a todas as persoas.  

Do mesmo xeito, posibilita potenciar habilidades propias e adquirir outras, para dalgún xeito, empoderar á propia persoa participante fronte á sociedade.

 
Exposicións
 
27 Set - 18 Dec de 2022
De 10.00 a 20.00 horas
De martes a domingo
16 a 20 h | Sáb-Dom e festivos tamén de 11 a 14.30 h
21 Out 2022 - 17 Abr 2023
De martes a domingo | De 10 a 20 h
11 Nov 2022 — 9 Abr 2023
De martes a domingo | De 10 a 20 h
De Nov 2022 a Mai 2023
De 9.00 a 21.00 horas
18 Nov 2022 a 28 Xan 2023
De 11.00 a 20.00 horas
21 Nov 2022 a Xan 2023
De 9.00 a 21.00 horas