La Ciencia según Forges

O Consello Superior de Investigacións Científicas (CSIC), a través da súa Delegación Institucional en Galicia, mostra na Cidade da Cultura ata o 13 de xullo a exposición itinerante “La Ciencia según Forges”. O horario de visita, gratuíta, é de martes a domingo de 10.00 a 20.00 horas.

A mostra consta de 66 viñetas publicadas en El País por Antonio Fraguas “ Forges” (1942-2018), un dos cronistas gráficos máis importantes de España nos últimos 50 anos, quen mantivo unha firme aposta por achegar a ciencia á sociedade. Así, entre o contido das viñetas cabe citar o cambio climático, o descubrimento do bosín de  Higgs, a perda da biodiversidade ou a reivindicación de máis atención e recursos para as institucións científicas e a comunidade investigadora.

Está producida polo CSIC con motivo do 80 aniversario da institución a través da Vicepresidencia Adxunta de Cultura Científica. Colabora a Fundación Xeral CSIC e conta o apoio da Fundación Dr. Antoni Esteve e o Instituto Quevedo das Artes do Humor, ademais da colaboración da Xunta de Galicia, a través da Cidade da Cultura.

O obxectivo da exposición, que vai acompañada dun catálogo, é abrir unha xanela á divulgación científica, á curiosidade e a un mellor coñecemento público do que a I+D+i pode ofrecer á sociedade.

A mostra, itinerante, exhibiuse, entre outros lugares, en Madrid, Barcelona, Sevilla e Pamplona.

 
Exposicións
 
1 Abr - 7 Ago 2022
De luns a domingo | De 10 a 20 h
8 Abr - 28 Ago 2022
De martes a domingo | De 10 a 20 h
5 Mai - 28 Ago 2022
De luns a domingo | De 10 a 20 h
20 Mai - 20 Xul 2022
De martes a domingo | De 11 a 14 h e de 16 a 21 h
20 Mai - 4 Set 2022
Museo do Mar de Galicia | Vigo
1 Xul - 18 Set 2022
ENTRADAS XA Á VENDA
07 Xuñ - 4 Set 2022
De martes a domingo | De 10 a 20 horas
17 Xuñ - 30 Xul 2022
Luns - Sábados | 12.00-14.00 e 17.00-21.00 h