Díaz Castro

A Biblioteca de Galicia acolle unha pequena exposición acerca da vida e obra de Xosé María Díaz Castro. A mostra, presente na entrada da institución, recolle os fondos conservados na Biblioteca de Galicia e relacionados co gran poeta galego, honrado no día das letras galegas deste ano 2014.

A mostra inclúe as diferentes edicións da súa obra, dende a aparición da súa poesía na Escolma de Poesía Galega de Fernández del Riego en 1955, e sobre todo dende a primeira aparición de Nimbos en 1961, ata as derradeiras edicións feitas este ano, xunto con homenaxes e biografías.

De curta obra publicada, pero dunha intensidade e calidade poética que vai influir de forma notable na poesía galega, Xosé María Díaz Castro é una sinxela pero esencial figura da nosa literatura. A exposición na Biblioteca de Galicia pretende recordarlles aos seus usuarios e visitantes a figura de tan entrañable persoa e artista.

 
Exposicións
 
29 Nov 2023 - 28 Abr 2024
De martes a domingo | De 10 a 20h
5 Dec 2023 - 19 Mai 2024
22 Mar — 4 Ago 2024
De martes a domingo | De 10 a 20 h
Xul 2024 — Xan 2025
De martes a domingo | De 10 a 20 h