A Biblioteca de Galicia, en colaboración coa Asociación Galega de Profesionais da Ilustración (AGPi), organiza unha nova mostra coa que poñer en valor os seus fondos. Nesta ocasión, a exposición está dedicada a Álvaro Cebreiro (A Coruña 1903-1956), debuxante, caricaturista e humorista gráfico. Cebreiro: o trazo da vangarda recolle un total de 30 pezas vinculadas coa súa figura -entre libros, publicacións periódicas e manuscritos- entre as que destacan as portadas do semanario Vida Gallega.