Queres descubrir o Gaiás con outra mirada? Esta primavera achegámonos á arquitectura e funcionamento da Cidade da Cultura cunhas visitas monográficas para afondar nun espazo diferente cada domingo, incluíndo algúns lugares habitualmente restrinxidos ao público.
A impresionante galería subterránea que conecta os edificios, os depósitos do Museo Centro Gaiás, as claves xeométricas que explican o conxunto arquitectónico, ou os laboratorios de investigación do Fontán son algúns dos puntos destacados destes percorridos que nos levan do primeiro ao último dos edificios erixidos no monte Gaiás.
Preme nos diferentes espazos para reservar a túa praza de balde e ven descubrir un dos exemplos máis sorprendentes e singulares da arquitectura contemporánea.
Maio 2026
|
|
10 Mai 2026 | 12h Da arquitectura de Peter Eisenman á de Andrés Perea: ven coñecer o último dos edificios construídos na Cidade da Cultura e os seus espazos dedicados á investigación de excelencia. |
|
|
24 Mai 2026 | 12h Descubrimos os espazos expositivos do Museo Centro Gaiás, pero tamén as súas áreas agochadas: desde os depósitos de obra ata o gran montacargas. |
|
|
31 Mai 2026 | 12h Descubre lugares inaccesibles para o público nun percorrido polo Gaiás oculto: de norte a sur atravesando o subsolo da montaña e a galería de servizos que conecta os edificios. |
.
