Nos obradoiros de Pequefilmes poderedes aprender en familia técnicas e conceptos fundamentais no proceso de creación cinematográfica e na animación. Uns coñecementos que poderedes seguir desenvolvendo posteriormente nos vosos fogares para divertirvos creando xuntos pequenas películas.
OBRADOIRO DE TOY PLAY
Sabes que é iso do Toy Play? Se queres coñecer a resposta, non perdas este divertido obradoiro, onde poderás aprender a gravar unha pequena peza audiovisual usando os xoguetes como protagonistas. Aprenderás a usar unha cámara, elaborar un guión e unha manchea de cousas máis. Ven divertirte con nós!
- GRUPO 1: De 4 a 8 anos: Sáb 18 e Dom 19: 11:00, 13:30, 17:45 h. Merca aquí as entradas!
- GRUPO 2. De 9 a 12 anos: Sáb 18 e Dom 19: 12:15, 16:30, 19:00 h. Merca aquí as entradas!
- PRAZAS: 12 nen@s por sesión (acompañad@s dunha persoa adulta).
OBRADOIRO DE HOLOGRAMAS
Este é un taller práctico e sinxelo, no que participan nais/pais e fillos/fillas. Con materiais comúns móstrase como se constrúe un visor doméstico para poder ver hologramas e vivir un momento practicamente máxico, no que as imaxes parecen xurdir no aire e cobrar vida ante os nosos propios ollos. Todos os materiais están incluídos no taller, pero é necesario que cada participante conte cun teléfono móbil con acceso a Internet.
- GRUPO 1: De 4 a 8 anos: Sáb 18 e Dom 19: 12:15, 16:30, 19:00 h. Merca aquí as entradas!
- GRUPO 2. De 9 a 12 anos: Sáb 18 e Dom 19: 11:00, 13:30, 17:45 h. Merca aquí as entradas!
- PRAZAS: 6 nen@s por sesión (acompañad@s dunha persoa adulta).
