Soñaches algunha vez con cancións de Eurovisión comprometidas co cambio climático ou que conteñan historias sobre bioloxía, investigación por satélite ou sobre o estado das rías galegas? Se es afeccionado aos festivais musicais non te podes perder o Festival da Canción Científica CSICvisión. O actor e cómico Rony Flamingo é o protagonista desta gala única e incomparable na que o público asistente decidirá cal é a mellor canción científica nun espectáculo con contidos rigorosos, adaptados e entretidos, que non vai deixar indiferentes ás persoas asistentes.

Como non pode ser doutra maneira, haberá grupos de fans, un trofeo para o intérprete gañador e grandes doses de humor coa ciencia como fío condutor.

REPERTORIO DO FESTIVAL: Intérprete Marica da Foz. Contido científico: A investigación dos Polos Intérprete R-KATANA. Contido científico: Cambio climático Intérprete Estrela. Contido científico: O papel dos satélites na investigación Intérprete Trinidad Martínez. Contido científico: O solo como recurso vivo Intérprete Moncho Ferro. Contido científico: Contaminación das Rías