Neste obradoiro a rapazada aprenderá xogando sobre arqueobotánica, a ciencia que estuda as plantas que utilizaban as persoas fai moitísimos anos. Convertiranse en pequenos investigadores e investigadoras do Laboratorio de Arqueobotánica do INCIPIT (CSIC). Mirando cunha lupa os carbóns das escavacións arqueolóxicas e xogando con imaxes ampliadas de diferentes tipos de madeira, tentarán adiviñar de cal se trata. Descubrirán como é por dentro unha árbore, que historias gardan os seus aneis, para que se empregaba a madeira antigamente e moito máis.