A Biblioteca de Galicia pon en marcha o obradoiro A Imprenta, catro sesións nas que os participantes poderán coñecer o proceso de elaboración de libros no século XV, coñecer o paso da escritura manuscrita á imprensa e utilizar diversas técnicas creativas e dar renda á creatividade persoal.

A Imprenta artéllase en catro sesións:

17 de Xaneiro.

Sesión I. Obradoiro de elaboración de papel e planchas de linóleo. Utilizando materiais reciclados, os participantes elaborarán unha pasta de papel coa que, a continuación, faran os seus propios lenzos. Nunha prancha de linóleo prepararán os debuxos que despois se estamparán.

18 de Xaneiro.

Sesión II. Obradoiro de imprenta. Con elementos cotiáns, os participantes fabricarán tipos e construirán unha imprenta “caseira” coa que poderán facer impresións.

24 de Xaneiro.

Sesión III. Obradoiro de miniaturas e tipografías. Con pinturas de cores, reproducirán miniaturas dos libros antigos podendo crear versións propias. Coñecerán distintos tipos de tipografías segundo a época e desenvolveremos a nosa propia tipografía nun abecedario completo.

25 de Xaneiro

Sesión IV. Obradoiro de impresión e encadernación. Os participantes farán impresións utilizando as pranchas de linóleo e o papel artesanal. A continuación encadernarán os traballos realizados seguindo unha técnica artesanal sinxela.