A serie “Romaría de San Vitorio” de José Suárez permítenos realizar unha viaxe no tempo e achegarnos ás romarías galegas dos anos 30. Aproveitaremos estas fotos como punto de partida da organización da nosa propia romaría, na que estarán presentes todos os elementos que a caracterizan: romeiros, polbeira, fogueteiro, tratantes, música e outras sorpresas. Non faltará tampouco unha decoración acorde ao escenario festivo que tentaremos recrear entre todos os cativos asistentes.