Que acontece cando se convoca a catro grandes solistas para un único concerto? Catro prestixiosos músicos fronte a un gran conflito: 16 banquetas e unha soa marimba (instrumento de percusión). Eles están dispostos a facela soar do xeito máis orixinal e abraiante! Organizarse non vai ser tan doado.

Píscore achéganos a mellor música e o mellor humor para un concerto singular nunha proposta que se encadra na liña dos grandes espectáculos que mesturan o virtuosismo musical e os ritmos coa comedia xestual, o clown e a participación do público.